Монгол Улсаа төлөөлөн дэлхийн алдартай шоуны нэг "Asia's Got Talent" /Азийн авъяастнууд/ шоу нэвтрүүлэгт “Хөсөгтөн” хамтлаг эх орноо төлөөлөн оролцож, шилдэг есөн оролцогчийн нэгээр шалгарсан билээ. Уг нэвтрүүлэгийн сүүлийн шатны шийдвэрлэх мөч өчигдөр боллоо.
Тус шоу уралдаанд “Хөсөгтөн” хамтлагын залуус морин хуурч, хөөмийч В.Батзориг, лимбэчин, цохиур хөгжимчин, хөөмийчин Г.Адъяадорж, товшлуурч, хөөмийч, дунд хуурч Х.Уламбаяр, их хуурч, хөөмийч Д.Ариунболд, ятгачин, дуучин Ч.Амарбаясгалан, морин хуурч, хөөмийч О.Чулуунбаатар гэсэн бүрэлдэхүүнтэй оролцсон юм.
Энэхүү тэмцээний эцсийн дүн гарахад “Хөсөгтөн” хамтлаг уг шоуны хоёрдугаар байрт шалгарлаа. Авьяаслаг залуустаа баяр хүргэе.
