Улаанбаатар-Дархан чиглэлийн авто замын барилгын ажлын явцыг Зам, тээврийн хөгжлийн яам (ЗТХЯ) танилцууллаа.
Азийн Хөгжлийн Банкны санхүүжилтээр хатуу хучилттай авто замын засварлах ажлыг таван багц хэсэгт хуваан гүйцэтгэж эхэлсэн. Тус замын ажлын
- I багц 94%,
- II багц 78%,
- III багц 94%,
- IV багц 68%,
- V багц 91% буюу нийт ажлын гүйцэтгэл 86%-тай явж байгаа аж.
Түүнчлэн Европын Сэргээн Босголт Хөгжлийн Банкны санхүүжилтээр баригдаж буй хоёр эгнээ замын барилгын ажлыг мөн таван багц хэсэгт хуваан хэрэгжүүлж буй. Тус замын ажлын
- II хэсэгт 500 м,
- III хэсэгт 4.2 км суурь хучилтын ажил үлджээ.
Замын I багц 80%, II багц 58%, III багц 59%, IV багц 55%, V багц 66% буюу ажлын нийт гүйцэтгэл 64%-тай явагдаж байгаа аж.
"Дөрвөн эгнээ замын суурь хучилтын ажил Азийн Хөгжлийн Банкан дээр 12 км-ийн хучилт үлдсэн бөгөөд есдүгээр сарын 27-ны дотор хийж дуусгана. Бусад хучилтын ажлыг хийж хэсэгчилсэн байдлаар хөдөлгөөн нээж эхэлсэн. Гэрээгээр гүйцэтгэгч компаниуд 2023 ондоо багтаан барилгын ажлаа дуусгаж, дөрвөн эгнээ бүхий суурь хучилттай авто замын хөдөлгөөнийг нээхээр төлөвлөн ажиллаж байна" гэж ЗТХЯ-наас мэдээлэв.
