УИХ-ын дарга, АН-ын дарга З.Энхболдын тойрог Баянгол яавч биш. Ядаж байхад Монгол Улсын туршлагатай парламентч, жинхэнэ хуульч Д.Лүндээжанцантай учраа таарсан тэрбээр битүүхэн бэргэж л байгаа. Дээр нь Увс аймагт орчуулагчгүй очоод хөөгдөж гарсан тэрбээр орон нутаг руу онгоц хөлөглөн тансаглаж байх зуур түүний баруун гар С.Эрдэнэ “ван” даргыгаа унагачихгүй санаатай мөнгийг баруун солгойгүй цацаж байна. Ингэж байж нөгөө Аудитын ерөнхий газраас зарласан сурталчилгааны зардлыг нь хэтрүүлж балрах вий дээ. Уг нь С.Эрдэнийн буруу ч гэж юу байх вэ. Даргадаа тал засаж, тавилан заяаг нь даатгаж авсан хүн сайн л сурталчилахыг бодно. Гэхдээ сурталчилна, сурталчилна гэхэд мөнгөөр зодож сурталчилж болохгүй байх аа. Баянголд хүчтэй, нөлөөтэй эрхмүүд мөнгөөр бороо оруулж байна. Даан ч нөгөө мөнгө нь ард түмний халаас руу биш гудманд эзэнгүй хаягдсан хулдаасан самбарт зориулагдаж байгаа нь харамсалтай. Намын даргаа татвар төлөгчдийн мөнгөөр Дархан-Улаанбаатарын хооронд онгоцоор зорчиж, ард түмний дээрээс онгоцны цонхоор өнгийж байх хойгуур мань С.Эрдэнэ ч мөнгийг баруун солгойгүй цацаж байна. Бүр цацна, цацна гэхэд арай л дэндүү цацаж байна. “Мундаг юмаа, мундаг юм”… “Бяртай ч юм…”

Эх сурвалж: МАН-ын сонгуулийн штаб