УИХ-ын дарга З.Энхболд Сонгуулийн хууль зөрчиж, намын сурталчилгаагаа хийжээ. Тиймээс З.Энхболдын хууль зөрчсөн үйлдлийг шалгуулахаар МАН-аас Баянгол дүүрэг дэх цагдаагийн хэлтэст гомдол гаргасан байна. Сонгуулийн тухай хуулийн 70 дугаар зүйлийн 70.12-т “Нам эвслийн дарга, түүнчлэн нэр дэвшигч нь сонгуулийн сурталчилгаа эхэлсэн өдрөөс хойш санал хурааж дуустал сонгуулийн сурталчилгааны бус бие даасан нэвтрүүлэг, хөтөлбөр, ярилцлагад орохыг хориглох бөгөөд сонгуулийн сурталчилгаа эхлэхээс өмнө хийсэн аливаа нэвтрүүлэг, хөтөлбөр, ярилцлагыг нэвтрүүлэх нийтлэхийг мөн хориглоно” гэсэн хоёрдмол санаагүй хуулийн заалттай. Гэтэл УИХ-ын сонгуулийн 70 дугаар тойрогт нэр дэвшигч АН-ын дарга З.Энхболд 2016 оны зургадугаар сарын 23-ны өдөр МҮОНТ-ийн “Сэдэв” шууд ярилцлагад оролцож, хууль зөрчсөн үйлдэл гаргажээ. Тиймээс энэ асуудлаар цагдаагийн байгууллагад хандсан юм байна.
Эх сурвалж: Монгол Ардын Намын Сонгуулийн Төв Штаб
