Төв аймгийн Баянчандмань суманд энэ сарын 24-нд ноцтой хэрэг гарсан талаар бид мэдээлсээр байгаа билээ. Тодруулбал тус сумын нөлөө бүхий хариуцлагатай албан тушаалтнууд 25 настай Б бүсгүйг зэрлэгээр хүчирхийлж, хөдөө хээр аваачин орхисон хэрэг гарсан байна. Уг хэргийг Сонгинохайрхан дүүргийн Цагдаагийн хэлтэс шалгаж байгаа бөгөөд сэжигтнээр гурван хүнийг шалгаж эхлээд байгаа юм. Болсон үйл явдлын талаар сийрүүлэхэд “Засаг даргын орлогч Б.Хатанбаатар, Тамгын газрын дарга Г.Ариунболд нартай хохирогч Б нутгийн айл Ганзоригийнд энэ сарын 24-ны өдөр очсон байна. Айлд очиж архи уусан Б.Ханбаатар хохирогчийн машиндаа суулган айлын гэрээс хоёр км орчмын зайтай газарт аваачсан гэнэ. Улмаар түүнийг зодож, хоолойг нь боомилон ухаан алдуулаад, домкрат /данхраад/-ны иш төмөр ашиглан бэлгийн дур хүслээ ёс бусаар хангажээ. Сэжигтэн Б.Ханбаатар хохирогчийг авч явсан хойгуур айлд үлдсэн Г.Ариунболд буцаж явах унаагүй болсон тул Тамгын газрын жолоочоо дуудсан байна. Ганзоригийнх руу очих замдаа Б.Ханбаатар машин дотроо согтуу унтаж, харин хохирогч эмэгтэй машины гадна талд их хэмжээний цус алдан, ухаангүй хэвтэж байхыг нь жолооч нь олжээ. Улмаар Г.Ариунболдыг дуудаж хохирогч эмэгтэйг Улсын нэгдүгээр төв эмнэлэгт хүргэсэн байна.

Эх сурвалж: Chuhal.mn