Баянзүрх дүүрэгт байрлах "Капитрон" банкны тооцооны төвөөс их хэмжээний мөнгө дээрэмдсэн хэрэг өнгөрсөн бямба гарагийн орой гарсан байна. Тус дүүргийн тавдугаар хорооны "Эрэл"-ийн 40-дүгээр байранд байрлах "Сандэй" тооцооны төвд буутай этгээд нэвтэрч, 20 гаруй сая төгрөг дээрэмдээд хэргийн газраас зугтжээ. Эх сурвалжийн мэдээлснээр сэжигтэн хоёулаа байсан гэнэ. Тэдний араас тус банкны хамгаалагч, теллерын хамтаар хөөх үед гэмт этгээд дээрэмдсэн мөнгөө хаяад зугтаасан байна. Одоогийн байдлаар гэмт хэрэгтэнг эрэн сурвалжилж байгаа бөгөөд банкны үйл ажиллагааг түр зогсоосон аж. Энэ талаар албаны эх сурвалжаас тодруулах гэсэн боловч тодорхой мэдээлэл өгсөнгүй. Биднийг хэргийн газар очиход тус салбар хаалттай байлаа.Банкны салбарт дээрмийн хэрэг болсон талаар хажуу хавьд нь үйл ажиллагаа явуулдаг байгууллагынхан мэдээгүй байсан юм. Тэдний зарим нь "Дээрмийн хэрэг гарсан талаар өнөөдөр л мэдлээ. Тэд нэг залуугийн зураг барьчихсан "Энэ хүнийг харсан уу" гээд асуугаад явсан" гэв.
Эх сурвалж: Photonews.mn
