Ардчилсан эмэгтэйчүүдийн холбооны ээлжит ерөнхийлөгчийг сонгох Дээд чуулганд өчигдөр /2023.09.25/ Батбаярын Жаргалан ялалт байгуулсан юм. Түүнтэй хамт өрсөлдсөн УИХ-ын гишүүн А.Адъяасүрэн өөрийн цахим хуудсаар дамжуулан шинэ удирдлагад амжилт хүсчээ. Тэрээр "Ардчиллыг хөгжүүлэх алдаа, оноотой 33 жилд эрх чөлөө, эрхэмсэг чанараасаа няцалгүй Монгол орныхоо хязгаар нутаг бүрт ажил амьдралаа авч явахын зэрэгцээ, эрх чөлөөт үзэл санаагаа хамгаалсаар ирсэн бүх үеийн эмэгтэйчүүддээ хүндэтгэл илэрхийлж, эрүүл энх сайн сайхныг ерөөе. Ардчилсан үзэл санааг дэмжигч эмэгтэйчүүдээ төлөөлөн ирж АЭХ-хоо ирэх жилүүдийн бодлого менежментийг сонгосон нийт эмэгтэйчүүд, миний санаа төлөвлөгөөг дэмжиж саналаа өгсөн эмэгтэйчүүддээ их баярлалаа. АЭХолбооныхоо ирээдүйг хамтдаа бүтээцгээе. Шинэ удирдлагад амжилт хүсье. АЭХ-ны гишүүн А.Адъяасүрэн" хэмээжээ.
