Санхүүгийн зохицуулах хорооны дарга Д.Баярсайханы талаар иргэдийн дунд янз бүрийн яриа, гомдол бий. Зарим нь түүнийг “санхүүгийн луйварчин” хэмээн гоочилдог болсон байна лээ. Энэ нь үнэний ортой шүүмж байсан болов уу. Аудитын шалгалтаар түүний удирдсан энэ байгууллага бараг бүхэлдээ муу дүн үзүүлсэн тул удирдах бүрэлдэхүүнийг солихоор болж байна. Д.Баярсайханы оронд З.Нарантуяаг өчигдөр УИХ-ын Эдийн засгийн байнгын хорооноос нэрийг нь дэвшүүлжээ. Тэрбээр УИХ-ын дарга З.Энхболдын зөвлөхөөр ажиллаж байсан юм. З.Энхболд нь түүнийг СЗХ-ны дарга болгох саналаа ч хэлсэн байна. Иймээс удахгүй УИХ-ын чуулганы нэгдсэн хуралдаанаар хэлэлцүүлэх ажээ.
Б.Баяр
Эх сурвалж: Tumen.mn
