Эрүүл мэндийн яамнаас шинэ төрлийн коронавируст халдварын эсрэг вакцин болон халдвартай холбоотой асуудалд хариулт өглөө.
ХӨСҮТ-ийн захирал Л.Баттөр: ЭМЯ, ХӨСҮТ-ийн байр суур анхнаасаа 28 хоног буюу 2 нууц үеийн хугацаанд хатуу хөл хорио тогтох санал гаргасан. Хөл хорио тогтоосон ч ойрын хавьтлын иргэдээс илрэх өвчлөлийн тоо нэмэгдсээр байна. Өвчлөл нэмэгдэхийн хэрээр нас баралт нэмэгдэж байна. Нууц үедээ байсан хүмүүсийн өвчлөл одоо илэрч байна. Бүх нийтийн хөл хорио тогтоож хөдлгөөн хумигдсан ч гэр бүлийн хүрээнд халдвар тараах боломжтой.
Синофарм фирмийн зааварт вакциныг 21-28 хоногийн хугацаанд 2 дахь тунг хийнэ. Гэхдээ 21-56 хоногт хийхэд дархлаа тогтоцод нөлөөлөх зүйл байхгүй гэж Хятадын өвчний хяналт сэргийлэлтийн төвөөс албан ёсоор мэдээлсэн. Астразенека вакцины хувьд 8-12 долоо хоногийн хугацаанд хийж болно. Бүх вакцины судалгааны ажил үргэлжлэн явагдаж байгаа.
Өвчтөний дэлгэрэнгүй мэдээллийг олон нийтэд хүргэх нь зохимжгүй. Нас барсан 20 настай залуугийн нас барсан шалтгааныг тодруулж байна. Энэ залуугийн хувьд суурь өвчтэй байсан бөгөөд асрамжийн газарт байсан. Тийм болохоор нийтийн байр, асрамжийн газруудад байгаа хмүүс нь халдварт өртөх эрсдэл маш өндөр байдаг. Шинжилгээ нь эерэг гарсан. Гэхдээ короавирусийн халдвар авсан хүн болгон уг өвчнөөр нас барсан гэсэн үг биш.
Гэрийн тусгаарлалтад дөрөвдүгээр сарын 13-ны өдрийн байдлаар нийт 3172 хүн байна. Гэрийн тусгаарлалтад байгаа хүмүүсийн тоо өдөр бүр хэлбэлзэлтэй байдаг. Гэртээ тусгаарлагдаж байгаа иргэдийн хяналтыг Өрхийн эрүүл мэндийн байгууллагууд хийж байгаа.
Дөрөвдүгээр сарын 9-нд Нэгдүгээр төрөх эмнэлгийн 2 ажилтанд халдварын шинж тэмдэг илэрч шинжилгээгээр тогтоогдсон. Нэмэлт илрүүлгийн шинжилгээнээс 4 эмч, эмнэлгийн ажилтан халдвартай гарсан. Тандалт судалгааны ажил үргэлжлэн явагдаж байна.
Эрүүл мэндийн ажилчидыг 14 хоног ажиллуулсаны дараа тусгаарлалтын байранд 7 хоног, гэрт нь 7 хоног ажиглалтад байлгаж байгаа.
Вакцин хийлгээд коронавирусийн халдвар авсан хүний тоо 2304 болсон. Нас барсан тохиолдлуудын гурав нь вакцин хийлгэсний дараа нас барсан. Хоёр нь Синофарм, нэг нь Пфайзер вакцин хийлгэсэн байсан. Вакфин хийлгэснээс хойш 7-10 хоногийн дотор нас барсан. Вакцин хийлгэсэн хүмүүс хэзээ халдвар авч байна вэ гэсэн судалгааг хийсэн. Эхний 21 хоногийн дотор 74 хувь нь халдвар авсан байна.
ДЭМБ-ын КОВАКС хөтөлбөрийн хүрээнд Пфайзер вакцин нийлүүлэгдсэн. Зөвлөмжийн дагуу Монгол Улс эрсдэлт бүлгийнхэнд уг вакциныг хийж байгаа. Гэхдээ хавдартай өвчтөнд Синофарм вакциныг хийж болно.
Өнөөдрийн байдлаар гэртээ нас барсан хүн 5 бүртгэгдсэн. Гэрийн нас баралт болгон дээр тодорхой дүгнэлт үнэлгээ өгч байна. Эмнэлгийн тусламж үйлчилгээ цаг алдах болон бусад нөлөөлж байгаа хүчин зүйлүүд мөн хэзээ оношлогдож, хэзээ эмнэлгийн тусламж үйлчилгээ авсан, суурь архаг өвчин юу байсан гэх зэргээр судалгаа хийж байгаа. Зарим тохиолдолд шинжилгээндээ итгэхгүй байх эмнэлгийн тусламж үйлчилгээг цаг алдаж авах зэрэг нь нас баралтад нөлөөлж байна.
Агаар сэлгэлтийг цонх хаалгаа зэрэг онгойлгон агаарын урсгалыг нэвтрүүлэх хэрэгтэй. Ганцхан цонх онгойлгоод агаар сэлгэлт болохгүй.
