ОХУ-ын Якут улсын Якутск хотод ЗХУ-ын Гавьяат дасгалжуулагч Д.П.Коркиний дурсгалд зориулсан ҮIII дахь удаагийн чөлөөт бөхийн уламжлалт “Гран-При” тэмцээн болж өндөрлөлөө.
Тэмцээний 86 кг-ын жинд өрсөлдсөн залуу бөх Л.Төртогтох урамтай сайхан барилдаж, нэгдүгээр тойрогт Беларуссын бөх Евгений Алешкевичийг 2:1, хагас шигшээ барилдаанд Азербайжаны бөх Магомед Абдулхаликовыг 1:1 харьцаагаар хожиж, алтан медалийн төлөөх барилдаанд Румыний Андре-Виктор Франтыг 2:1 харьцаагаар ялж, жиндээ тэргүүллээ.
Тус тэмцээний 61 кг-ын жинд өрсөлдсөн Б.Нэмэхбаяр эхний тойрог хийлж, хоёрдугаар тойрогт Буриадын бөх Даша Шарастепановт 2:4 онооны харьцаагаар дийлдэн, дагах барилдаанд Якутын бөх Реворий Самсонов, Буриадын бөх Булат Айсуев нарыг ялсан. Улмаар хүрэл медалийн төлөө Байгалийн чанад дахь хязгаарын бөх Булат Батоевтой барилдан, 1:3-аар хожигдосоноор медалийн тавцанд зогсч чадсангүй.
Н.Болд
Эх сурвалж: www.mminfo.mn
