Өнөөдрийн засгийн газрын хуралдааны шийдвэрүүдийг танилцуулсны дараа ХЗДХ-ийн сайд Х.Нямбаатар Нүүрсний сонсголтой холбоотой асуудлаар сэтгүүлчдийн сонирхсон асуултанд хариулж мэдээлэл өглөө.
Тэрбээр: "Өнгөрсөн долоо хоногт хуралдаад хянан шалгагч, шинжээч томилохоор ярилцлаа. Маргааш түр хорооны ажлын албаныхантайгаа ярилцана. Ирц ямар байх вэ гэдэгт анхаарна. Маргааш ирц бүрдвэл бид түр хорооныхоо гишүүдийг бүрдүүлнэ. Ирц бүрдэхгүй бол шинжээч нараа томилно. 10 эсвэл 11-р сард нүүрсний сонсгол явуулахаар төлөвлөж байна. Цаашид нүүрсний секторт, нүүрсний хулгай гэдэг эмгэнэлтэй зүйл гаргахгүй байхыг л зорьж байна." гэв
