УИХ-ын чуулганы хуралдаанаар зарим бараа бүтээгдэхүүнийг гааль, НӨАТ-аас чөлөөлөх асуудлыг хэлэлцлээ. Тодруулбал, бүх төрлийн будаа, өвс, тэжээл, ургамлын тосыг татвараас чөлөөлөхөөр хуулийн төсөл боловсруулжээ. Энэ үеэр УИХ-ын гишүүд асуулт асууж, үг хэлэх үеэр УИХ-ын гишүүн Б.Саранчимэг коронавирусийн эсрэг вакциныг гааль, НӨАТ-аач чөлөөлөх эсэхийг тодрууллаа.
Энэ талаар Сангийн сайд Ч.Хүрэлбаатар "Коронавирусийн эсрэг вакциныг татвараас чөлөөлнө. Татвараас чөлөөлөх асуудлыг УИХ хууль баталж шийдвэрлэсэн. Өнгөрсөн дөрөвдүгээр сард УИХ-аар баталсан хууль энэ оныг дуустал хэрэгжинэ" гэв.
