Орост ажиллаж амьдардаг программист Валерий Спиридонов маш эрсдэлтэй мэс ажилбарыг зөвшөөрчээ.
Владимир хотод амьдардаг энэ программист залуу нуруу нугасны булчингийн хатангиршил өвчнөөр шаналан, энэ нь улам хүндэрсээр байгаа тул өөрийн толгойгоо хэн нэгэнд шилжүүлэн суулгахыг зөвшөөрсөн аж. Түүний толгойг өөр хүний биед шилжүүлэн суулгах нь түүний сүүлчийн боломж гэж тэрээр үзжээ.
Уг хагалгааг анагаахын хүрээнийхэн дунд гаж үйлдэл хийдгээрээ алдартай, италийн эмч Сержио Канаверо хийх юм байна.
Мэс заслын явцад 30 настай программист залуугийн толгойг тархины үхжилд орсон хүний биед шилжүүлэн суулгах бөгөөд хагалгаа 36 цаг үргэлжлэх аж. Хагалгааны өртөг 7,5 сая фунт ба мэс ажилбарыг гүйцэтгэх явцад Канаверо эмчид 150 эмч, сувилагчид туслах шаардлагатай юм байна.
Д.Мигаа
