Энэ сарын дундуур Вьетнам улсын иргэнийг зодож, дээрэмдсэн хэрэг гарсан. Тэгвэл ийм үйлдэл дахиад давтагджээ. Вьетнам засварын газрын нэгэн вьетнам залуу хэсэг Монгол охидтой наргиж суугаа бичлэг урьд нь цахим хуудсуудаар баахан цацагдсанд дургүйцсэн залуучууд цөөнгүй бололтой. Саяхан Баянзүрх дүүргийн нутагт байрлалтай Вьетнам засварын газарт ажилладаг гурван вьетнам иргэнийг зодож, гар утас зэргийг нь дээрэмдэн, биед нь гэмтэл учруулсан байна. Монгол залуучууд энэ хэргийг үйлдэх үедээ зарим нь “Даварсан новшууд та нар охид зүгээр байлгаарай” гэж хашгирч байсан гэнэ. Үүнээс үзэхэд тэд дээрх бичлэгийг үзэж “омогшин” тийнхүү гэмт хэрэг үйлдсэн болов уу. Тэдэнд одоо эрүүгийн хэрэг үүсгэн шалгаж буй ажээ.
Б.Баяр
Эх сурвалж: Tumen.mn
