Гадаадад ажиллаж амьдарч буй Монгол иргэдийн амь нас баталгаагүй, тухайн улс оронд байгаа Консулын газрууд монголчуудынхаа эрхийг хамгаалах талаар бараг юу ч хийдэггүй хэвээр ажээ. Францад хэсэг залуус автомашины ослоор нас барсан. Солонгост ч байнга иргэд маань эрсдэлд өртөж буй.
Өчигдөр буюу энэ сарын 18-ны үүрээр Хятадын Эрээн хотод нэгэн Монгол эмэгтэй харамсалтайгаар амиа алджээ. Эрээн хотод манай иргэд янз бүрийн ажил эрхэлдэг бөгөөд зарим нь тэнд биеэ үнэлдэг нь нууц биш. Гэвч тэрхүү талийгаач нь чухам хэн болох, яагаад амиа алдсан зэргийг Эрээн хот дахь Консулын газрынхан одоогоор тодорхой мэдээлээгүй байна. Монгол эмэгтэйн амь хөнөөгдсөн тухай энэхүү хар мэдээлэл зөвхөн иргэний мэдээллийн сүлжээгээр ил болж байгаа ажээ. Харин ГХЯ-ны Консулын газрын дэд дарга Б.Бол “Эрээн хот дахь Консулын газраас Монгол улсын иргэн байж болзошгүй эмэгтэй амь насаа алдсан талаар мэдээлэл ирүүлсэн” гэж байна.
Б.Баяр
Эх сурвалж: Tumen.mn
