БНХАУ-ын эрчим хүчний нүүрсний хэрэглээ нэмэгдэх төлөвтэй байна. Энэ он болон өнгөрсөн оны эрчим хүчний хямралын нөлөөгөөр БНХАУ нүүрсний цахилгаан станцын төслүүдээ сэргээж эхлээд байгаа аж.
Тухайлбал, 2021 онд нүүрсний цахилгаан станцын төслүүдэд хийх хөрөнгө оруулалт 21.5 хүртэлх хувиар өссөн байна. Харин 2022 оны эхний хагаст хөрөнгө оруулалт өмнөх оны мөн үеэс 71.8 хувиар өсжээ. Нүүрсний цахилгаан станцын шинэ төслүүд өнгөрсөн онд батлагдсан нийт эрчим хүчний төслүүдийн 59.3 хувийг бүрдүүлж байгаа аж.
Шинээр баригдах нүүрсний цахилгаан станцуудын хүчин чадал энэ оны эхний хагаст 8.63 гигаватт хүрсэн нь өмнөх оныхоос 103.1 хувиар өссөн үзүүлэлт боллоо.
Б.Бат-Очир
