Эдийн засгийн чуулга уулзалтын хоёр дахь өдөр буюу өнөө өглөө төрийн ордоны “Их танхим”-д  Монгол Улсын Ерөнхийлөгч Ц.Элбэгдорж илтгэл тавилаа. Тэрбээр илтгэлдээ “Төр хариуцлагагүй байна гээд баахан ярьдаг. Хэн над руу Хариуцлагын тухай хууль барьж орж ирсэн юм бэ. Асуудал улс төр дотор байна. Хариуцлага хүлээдэггүй ардчилсан нийгэм утга учраа алддаг. Улс төрийн хариуцлага гэж юу байдаг вэ. Гарах гарцыг энд зааж өгье. Улс төрийн намтай холбоотой асуудлыг шийдэх хэрэгтэй. Намуудыг нэлээд арлаа бодитой юм гарч ирэхгүй байна. Хөгжлийн бодлого тодорхой байх ёстой. Оюу толгой гацаанаас гарах гэж байх шиг байна. Эдийн засгийн өсөлт хэдэн хувиар хасагдав. Мөнгөний ханш хэдэн хувиар унав. Хасах руугаа явж байна. Энэ байдлаа зогсоох цаг болсон. Хуримтлал бий болгодог эдийн засгийн өсөлтийг хамгийн сайн өсөлт гэж би хувьдаа бодож байна. Үүнийг сайн эдийн засаг, сайн бодлого гэж харах ёстой. Газраараа баялаг юм бол түүнийгээ иргэддээ өгчихөж болдоггүй юм уу. Би гурван зүйлийг зориуд хэлье. 1-д, Монгол Улсын иргэнд л газраа өмчил. 2-т, Гадаадын иргэнд өгсөн байх юм бол буцааж ав. 3-т, Өөрсдийн иргэн, гадаадын иргэнд тусдаа хуулиар газар эзэмшүүлэх хэрэгтэй.   Өнгөрсөн 25 жилийн хугацаанд аж үйлдвэрийн яам байгаагүй. Анх удаа бий болгосон. Энэ яам үйлдвэрлэгчдэд саад болдог битгий байгаасай. Эхнээс нь анхааруулж, ярьцгаасан учраас эхнээсээ аятайхан явах болов уу” хэмээн  онцоллоо.

Б.Отгон

Эх сурвалж: Tumen.mn