Канадын алдарт дуучин Жастин Бибер Кливланд хотын Квикен Лөүнс Аренад болсон сагсан бөмбөгийн Кавальерс болон Уорриорс багуудын тоглолтыг үзээд гарч яваад зодоонд оролцжээ. Яхооньюсийн мэдээлснээр нэг этгээд Ж.Бибиерийн толгойруу юм шидсэнээс уурыг нь хөдөлгөж, нударга зөрүүлэхэд хүрсэн байна. Бичлэгээс харахад Ж.Бибиерийг өдсөн гэх этгээд нь өндөр нуруутай, лагс биетэй өнгөт арьстан байх аж. Зодоон хэдхэн секундын хугацаанд болж, өнөөх эр залуу дуучинг дарж газар унагаснаар өндөрлөжээ. Эл хэргийн улмаас цагдаа дуудсан гэх мэдээлэл алга байна.
С.Дамдин
