“Чингис хааны заллага” нэртэй Монголын соёл урлагийн наадмыг энэ сарын 20-ноос ирэх оны хоёрдугаар сарын дунд хүртэл БНСУ-д зохион байгуулахаар болжээ. Уг наадмыг БНСУ-ын Тэгү хотын Далсон мужийн хандиваар зохион байгуулахаар болсон байна.
Тус наадамд Үндэсний ардын дуу бүжгийн “Түмэн эх чуулга”-ынхан оролцох бөгөөд хөөмэй, бийлгээ, морин хуур, уртын дуу, Чингис хааны сүр жавхланг харуулсан бүжиг зэрэг олон үзүүлбэр толилуулах аж. Мөн энэ үеэр Монгол үндэсний гэр, ард түмний аж амьдралыг харуулсан үзэсгэлэн, үндэсний хувцасны үзүүлэх тоглолт зохион байгуулах юм байна.
