Урлагийн салбараас улс төрийн талбарт хүч үзэж буй хүмүүс цөөнгүй бий. Тэдний нэг нь хос дуучин болох О.Анхбаяр, Б.Халиун нар юм. Тэгвэл дуучин О.Анхбаярын хувьд тушаал дэвшиж, нийслэлийн Соёл, урлагийн газрын даргаар томилогджээ.
Тэрбээр өмнө нь Хан-Уул дүүргийн ИТХ-ын сонгуулийн наймдугаар тойрогт МАН-аас нэр дэвшин өрсөлдөж, сонгогдон, дүүргийн соёлын ордоны даргаар ажиллаж байсан удаатай. Дуучин О.Анхбаяр 2020 оны аравдугаар сарын эхээр Монгол Улсын Ерөнхийлөгч Х.Баттулгын зарлигаар Алтангадас одон хүртэж байв. Тэрбээр урлагийн салбараа бүр орхичихоогүй ч салбараасаа хазайхгүй төрийн алба хашиж явна.
Нийслэлийн Соёл, урлагийн газрын даргын суудалд өмнө нь Ж. Дамдинцэрэн, дуучин Ч.Бат-Эрдэнэ нар томилогдон ажиллаж байсан билээ.
