Монгол Улсын сагсан бөмбөгийн шигшээ багийн довтлогч Т.Санчир энэ сарын 01-нд Филиппин улсын Лиг буюу PBA-ийн багт тоглох гэрээнд гарын үсэг зуржээ. Тус улсын “Barangay Ginebra San Miguel” баг нь PBA-ийн хамгийн нэр хүндтэй, найман удаагийн аварга, Ази Тивдээ хамгийн шилдэгт тооцогддог ажээ. Түүнчлэн энэхүү багт урьд нь нэг ч Ази легионер тоглогч байгаагүй бөгөөд манай тамирчны хувьд анхных нь болж байгаагаараа онцлог юм.
Ийнхүү тэрээр гадны мэргэжлийн Лигт тоглохоор болсон анхны монгол тамирчин боллоо. Т.Санчир дараа долоо хоногт буюу дөрөвдүгээр сарын 8-ны шөнө 00.55 цагт Манила руу нисч мэргэжлийн сагсчин болох гараагаа эхлүүлэх гэж байна. PBA-ийн шинэ улирал ирэх тавдугаар сарын эхээр эхлэх юм.
Н.Цэнгэл
Bataar.mn
