Өмнөд Судан улсад явагдаж байгаа Энхийг дэмжих UNMISS ажиллагаанд Монгол Улсын Цэргийн багийн ээлжийн бүрэлдэхүүнд үүрэг гүйцэтгэж байсан цэргийн алба хаагч 44 настай Г зуурдаар нас барсан тухай бид өнгөрсөн долдугаар сард мэдээлсэн. Харин нас барсан шалтгааны талаар ЗХЖШ болон Батлан хамгаалах яамнаас тодорхой мэдээлэл өгөхөөс татгалзаж байсан билээ.
Тэгвэл дээрх цэргийн алба хаагч өөрийгөө буудаж, амиа хороосон болохыг эх сурвалжийн мэдээлэл баталлаа. Энэ хэрэг 2020 оны зургаадугаар сарын 2-нд гарчээ. Энхийг сахиулах ажиллагаанд үүрэг гүйцэтгэх нь нэр хүндийн асуудал хэдий ч сэтгэл санаа, бие махбодийн хохирол амсахад хүргэдэг нь энэ тохиолдлоос харагдаж байна.
Манай улсын Зэвсэгт хүчин Өмнөд Судан улсад 2012 оноос эхлэн үүрэг гүйцэтгэж байгаа бөгөөд энэ хугацаанд нийт гурван цэргийн алба хаагч зуурдаар амь насаа алдаад байна.
