Олимп, дэлхийн дэвжээнд Монголынхоо нэрийг нэг бус удаа цуурайтуулсан гавъяат тамирчин Н.Төгсцогт Америк орныг зориод удаагүй байна. Тэрбээр Азийн наадмын үеэр шүүгчдэд дургүйцлээ илэрхийлж байсан юм. Шүүгчдийн бага сага будлиан түүнийг дараа нь мэргэжлийн бокс руу хөтөлсөн болов уу. Америкт очоод алдарт дасгалжуулагч Жо Гуссений шавь болжээ. Түүнийг “Top Rank” компани гэрээгээр санхүүжүүлж буй аж. Саяхан мэргэжлийн боксчны үнэмлэхээ гардан авчээ. Мэргэжлийн бокс бол их хэмжээний мөнгө “хөөсөн” шилдэг тамирчдын авхаалж, хүч, аз сорьдог онцлогтой. Олимп, дэлхийн сонирхогчийн боксын төрөлд өрсөлдөх эрхгүй. Өөрөөр хэлбэл, тухайн тамирчны хувийн сонголт төдийгүй, эрүүл мэндээ ч зольж мэдэх адармаатай төрөл юм.
Б.Баяр
Эх сурвалж: Tumen.mn
