Өөрийг нь оросын нэрт жүжигчин Михаил Пореченков буудсан гэж Украины зэвсэгт хүчний нэг дайчин мэдэгдлээ. Өөрийгөө “Танас” гэж нэрлэсэн тэрээр 2014 оны намар Донецкийн нисэх буудлын орчим байлдаж байх үеэр өөрийг нь буудсан гээд тухайн үед хэн өөрийг нь буудсаныг мэдээгүй, харин баримт, он сарыг нь тулгаад үзэхэд үнэхээр оросын жүжигчин буудсан болж таарч байна гэжээ.
Тэрээр энэ талаар Харьковт өнгөрсөн лхагва гарагт хэвлэлийн хурал хийж энэ талаар мэдэгдсэн байна.
Оросын жүжигчин Михаил Пореченков 2014 оны аравдугаар сарын 30-нд Донецкт очихдоо цэргийн дуулга өмсөн буугаар гал нээсэн зураг, дүрс бичлэг интернетээр тархсан юм.
