Өнгөрөгч долоо хоногийн пүрэв гарагт манай сайд “Л.Наранбаатар нар тэмцлийн хурц хэлбэр сонгоно гэв” гарчигтай өгүүлэл  нийтэлсэн юм. Энэхүү нийтлэлд Дархан-Уул аймгийн АН-ын дотоод сонгуулийг зориуд булиантуулахыг оролдсон Н.Мөндаш, Г.Гантулга нарын хэсэг  нөхөд энэ оны 1 дүгээр сарын 6-ны  өдрийн ДоСХ-ны хурлаараа Дархан-Уул аймгийн Сонгуулийн нутаг дэвсгэрийн хорооны гишүүдийг намныхаа үндсэн дүрмийг зөрчиж сонгосон тухай өгүүлсэн юм. Мөн энэхүү дүрэм бус үйл ажиллагааг нь тус аймгийн АН-ын дарга Л.Наранбаатар тэргүүтэй хүмүүс эсэргүүцэн төв намдаа шаардлага хүргүүлж, хэрвээ эс биелүүлбэл тэмцлийн хурц хэлбэр сонгохоо мэдэгдсэн байлаа. Тэгвэл АН-ын удирдлага, тус намын Дотоод сонгуулийн хороо  хуралдаж  Г.Гантулга, Н.Мөнхдаш нарынх нь дүрэм бусаар гаргуулсан хурлын тогтоолыг хүчингүй болгосон байна. Цаашлаад Дархан-Уул аймагт дүрэм бусаар байгуулагдсан Н.Мөнхдаш нарын тэргүүлдэг намын хороог нь татан буулгах талаар яригдаж буй аж. Өөрөөр хэлбэл, Л.Наранбаатар нарын шаардлагыг биелүүлж эхэлсэн байна.

Б.Баяр

Эх сурвалж: Tumen.mn