Хэнтий аймгийн Баян-Овоо сумын нутагт энэ сарын 13-нд гарсан түймэр Сүхбаатар, Дорнод аймгийн нутаг руу тархан ассаар байгаа ажээ. Өчигдрийн байдлаар түймэр Сүхбаатар аймгийн Түмэнцогт сумын төв рүү 500 орчим метр ойрсон байв. Түймэрт 18 айлын гэр шатжээ. Энэ нь гурав хоногийн өмнөхөөс 13-аар нэмэгдсэн гэсэн үг. Улсын хэмжээнд одоогоор 13 аймгийн 39 суманд, 70 гаруй удаагийн ой, хээрийн түймэр гарч, 213 га ой шатаад байгаа аж. Хамгийн сүүлд Дорнод аймгийн Матад сумын нутагт гарсан түймэр Халх гол сум руу орж, манай улсын хилийг давах үед нь Онцгой байдлын аврах багийнхан цурманд оруулжээ. Түймэрт гэр нь өртөж орох оронгүй болсон айлуудад шинэ гэр олгохоор болсон байна.
Б.Баяр
Эх сурвалж: Tumen.mn
