Улаанбаатар хотын нийтийн тээврийн автобусны зарим жолооч нар ажил хаяхаа зарлаад байлаа. Гэвч тэд товлосон өдрөө ажил хаясангүй. “Зорчигч тээврийн нэгтгэл” зэрэг хэд хэдэн компаниуд ажил хаяхыг дэмжиж байгаа аж. Тус нэгтгэлийн Үйлдвэрчний эвлэлийн холбооныхон “Бид ажил хаяхаа түр хойшлуулсан. Ирэх баасан гараг гэхэд бидний цалинг нэмэгдүүлэхгүй бол шууд ажил хаяна” гэж байна. Жолооч нар нь дунджаар 1 сая, кондукторууд нь 700 мянган төгрөгийн цалин авдаг ч гэсэн үндсэн цалингаа 250-350 мянган төгрөгөөр нэмэгдүүлэхийг шаардаж байгаа ажээ.
Б.Баяр
Эх сурвалж: Tumen.mn
