УИХ-ын сонгуулийн 21 дүгээр тойрог Багануур, Налайх, Багахангай дүүрэгт МАН-аас нэр дэвшиж буй Сайнбуянгийн Амарсайхан, Цэндийн Сандаг-Очир нар өнөөдөр Багануур дүүргийн Цахилгаан дамжуулах, үндэсний сүлжээ төрийн өмчит хувьцаат компанийн зүүн өмнөд бүсийн салбар болон Багануур Зүүн Өмнөд Бүсийн Цахилгаан Түгээх Сүлжээ ТӨХК-ний ажилтан, албан хаагчидтай уулзаж, сонгуулийн мөрийн хөтөлбөрөө танилцууллаа.

Цахилгаан дамжуулах, үндэсний сүлжээ төрийн өмчит хувьцаат компанийн зүүн өмнөд бүсийн салбар нь Улаанбаатар хотын Багануур, Хэнтий, Дорноговь, Дундговь,Говь-Сүмбэр, Төв, Сүхбаатар аймгуудын нутаг дэвсгэрт байгаа 80 гаруй сум суурин газрыг болон Багануур, Шивээ-Овоогийн нүүрсний уурхай, 2098 үйлдвэр аж ахуйн нэгж, 42000 орчим айл өрхийг цахилгаан эрчим хүчээр хангадаг байна.

“Цахилгаан дамжуулах үндэсний сүлжээ” ТӨХК нь жилдээ 564,2 сая квт.цаг цахилгаан эрчим хүч дамжуулдаг бол “Багануур Зүүн Өмнөд Бүсийн Цахилгаан Түгээх Сүлжээ” ТӨХК нь нийт 272.2 мянган хавтгай дөрвөлжин км газар нутагт орших, Улаанбаатар хотын Багануур дүүрэг, Хэнтий, Говьсүмбэр, Дорноговь, Дундговь аймгуудын төвүүдэд цахилгаан түгээдэг байна.

Зүүн бүсийн цахилгаан эрчим хүчийг хангаж буй Төрийн өмчит компаниудын ажилтнууын зүгээс нэр дэвшигчидэд хандан  цаашид хийж хэрэгжүүлэх ажлуудад нь тусгах саналаа илэрхийллээ. Тэд төр засгийн тогтвортой үйл ажиллагааг дэмжиж, Засгийн газрын эхлүүлсэн үр дүнтэй олон ажлыг эцсийн  үр дүнг үзэхийн тулд, мөн  МАН-аас хэрэгжүүлэх мөрийн хөтөлбөрт тусгагдсан дагуу алслагдсан дүүргүүдийг бие даасан хот болгон хөгжүүлэх,  дэд бүтэц, инженерийн байгууламжуудыг барих ажлыг эхлүүлэхийн тулд МАН-ын нэр дэвшигчдийг дэмжинэ гэв.

Мөн цахилгаан дамжуулах, түгээх төрийн өмчит компаниудыг нэгтгэж нэгдсэн үйл ажиллагаатай болгож үйл ажиллагааг нь өргөтгөх, өнгөрсөн 2017 онд Дулааны цахилгаан станц байгуулахаар суурийг нь тавьсан ч зогсонги байдалтай байгаа ажлыг эрчимжүүлж өгөхийг мөн нэр дэвшигчдэд хандан хэлж байлаа.

УИХ-ын сонгуулийн 21 дүгээр тойрогт МАН-аас нэр дэвшигч, Нийслэлийн Засаг дарга бөгөөд Улаанбаатар хотын Захирагч С.Амарсайхан “Энэ удаагийн сонгуулиар МАН-ын мөрийн хөтөлбөрт Монгол Улс дотооддоо эрчим хүчээ 100 хувь хангадаг болохоор тусгагдсан. Цаашдаа эрчим хүчийг импортлодог болж эдийн засгийн үр өгөөжтэй бодлогуудыг хэрэгжүүлэхээр төлөвлөж байна. Энэ хүрээнд олон улсад эрчим хүчний чиглэлээр мэргэшил дээшлүүлэх, харилцан туршлага солилцох хөтөлбөрүүдийг хэрэгжүүлж мэргэжлийн боловсон хүчинг бэлтгэх болно. Эрчим хүч, дэд бүтцээ хөгжүүлснээр цаашдын хөгжлийн бодлого шийдлүүд уялдаж хийгдэх учраас нарийн төлөвлөгөө зохион байгуулалтайгаар ажиллана. Хөрөнгө оруулалтыг бий болгох, ажлын байрыг нэмэгдүүлэх, иргэдийн амьдарч ажиллах таатай орчин нөхцлийг бий болгохын тулд, төр засгаас хэрэгжүүлж эхэлсэн бодлого шийдлийг үргэлжлүүлэхийн төлөө хамтдаа хүчээ нэгтгэх хэрэгтэй. Улаанбаатар хотыг 2040 он хүртэл хөгжүүлэх хөгжлийг бодлого, “Алсын хараа-2050” улс, нийслэлийн урт хугацааны хөгжлийн баримт бичгүүдийг боловсруулж алслагдсан гурван дүүргийг бие даасан хот болгон хөгжүүлэхэд чиглэсэн шийдвэрүүд эхнээсээ хэрэгжиж эхэлсэн. Цаашид эхлүүлсэн ажлаа үргэлжлүүлж, алслагдсан дүүргүүд бус, бие даасан аялал жуулчлалын бүс нутаг болж хөгжихийн төлөө хамтдаа хүчээ нэгтгэе” хэмээсэн юм.

УИХ-ын сонгуулийн 21 дүгээр тойрогт МАН-аас нэр дэвшигч Ц. Сандаг-Очир Багануур дүүргийн иргэд, сонгогчиддоо хандан “МАН-д итгэл хүлээлгэсэн он жилүүдэд төсөв санхүүгийн байдал хүндэрсэн, ажилгүйдлийн түвшин 10.4 хувьд хүрсэн байсан. МАН-ын Засгийн газар хөрөнгө оруулалтыг нэмэгдүүлж, эдийн засгийн өсөлтийг 7.2 хувьд хүргэж чадлаа.Зам дэд бүтэц, хөрөнгө оруулалт бүтээн байгуулалтын ажлуудыг эрчимжүүлсэн. Энэ хүрээнд 10 аймгийн төвд дулааны цахилгаан станц баригдах ажил эхэллээ. Аймгийн төвүүдийг сумдуудтай холбох автозамыг барьж эхэлсэн.Монгол инженерүүд өөрсдөө 700 гаруй км төмөр замыг барьж байгууллаа. Төрийн үйлчилгээний байгууллагын ажилчдын цалинг нэмэгдүүлж, банкны зээлийн хүүг 3 хувиар буурууллаа. Ахмадуудын банкны зээлийг тэгэллээ. Улсын хэмжээнд 165 цэцэрлэг, 92 сургуулийг МАН-ын Засгийн газраас ашиглалтад оруулсан байна.Олон жил яригдсан, хийж чадаагүй агаарын бохирдлыг бууруулах ажлыг өнгөрсөн нэг жилийн хугацаанд нийслэлийн Засаг дарга, Засгийн газар хамтран хийж, агаарын бохирдлыг 50 хувиар бууруулж чадлаа.  Цаашдаа дүүргийн хэмжээнд бус улсын хэмжээнд хөгжсөн хот болохын төлөө хамтран ажиллацгаая” хэмээсэн юм.

Уулзалтын үеэр УИХ-ын сонгуулийн 21 дүгээр тойрог Багануур, Налайх, Багахангай дүүрэгт МАН-аас нэр дэвшиж буй Сайнбуянгийн Амарсайхан, Цэндийн Сандаг-Очир нарыг багаар дэмжихээ илэрхийлж санал хүсэлтээ хэлж байлаа. 

Багануур Зүүн Өмнөд Бүсийн Цахилгаан Түгээх Сүлжээ ТӨХК-ний Тээврийн үйлчилгээний албаны дарга Ж.Түвшинсанаа “Багануур, Багахангай, Налайх дүүрэгт МАН-аас нэр дэвшигчдийг дэмжинэ. Учир нь ард түмний дунд орж ажиллаж чаддаг, тэдний зовлон жаргалыг сайн ойлгодог,  дүүрэг хороогоо мэддэг,  унаган нутгийнхаа эрч хүчтэй залуусыг  УИХ-д илгээх гэж байгаадаа баяртай байна. Өнгөрсөн жилүүдэд алслагдсан гурван дүүрэгт хөрөнгө оруулалт бүтээн байгуулалт их хийгдэж байгааг бид бүгдээрээ харж байна. Цаашид иргэдийнхээ дуу хоолой болж Багахангай, Багануур, Налайх дүүргээ жуулчдын ирэх дуртай болсон бүс нутаг болгож хөгжүүлээрэй гэж захимаар байна. Хийж хэрэгжүүлсэн ажлуудынхаа үр дүнг харуулдаг залуус нэр дэвшиж байгаа учраас алслагдсан дүүргүүдийг хот болгон хөгжүүлж чадна гэдэгт итгэж байна” гэв.

Багануур дүүргийн Цахилгаан дамжуулах, үндэсний сүлжээ төрийн өмчит хувьцаат компанийн зүүн өмнөд бүсийн салбарын ажилтан Б.Баттөмөр “Олон жил утаа бууруулна гэж худлаа амлалт өгч байсан улстөрчид ичих хэрэгтэй. Улаанбаатарын утааг арилгахад ажил хийх хүсэл эрмэлзэлтэй хүн хэрэгтэй байсанг хотын Захирагч С.Амарсайхан харууллаа. Төрийн ажлыг яаж хийдэг вэ  гэдгийг өөрийн биеэр үлгэр дууриалал болгож яваа залуу хүнд үнэхээр омогшиж сууна. Ийм л өндөр боловсролтой, чадалтай, ажлаа мэддэг хийдэг, үр дүнг нь заавал хардаг хүн Монгол Улсыг хөгжүүлнэ. Налайхын зам дээр шөнө өдөр бороотой шороотой, цастай нартай хамаагүй явж шахаж шаардсаар байгаад зургаахан сарын дотор дуусгачихлаа. Хийе гэвэл болдог юм байна. Энэ л хэрэгтэй. Бусад улстөрчид харж үлгэр дууриалал авах байх” хэмээн сэтгэгдлээ хуваалцлаа.

УИХ-ын сонгуулийн 21 дүгээр тойрогт нэр дэвшигч Сайнбуянгийн Амарсайхан, Цэндийн Сандаг-Очир нарын сонгуулийн штаб