Британийн зах зээл дээр эхийн сүүгээр хийгдсэн шинэ төрлийн зайрмаг гарч ирсэн нь Royal Baby Gaga гэдэг нэртэй юм. Энэ үйл явдал хааны өв залгамжлагч төрөх гэж байгаа онцгой үйл явдалтай холбоотой аж. Ер бусын амттан хөх болон ягаан өнгийн сав, баглаатай үйлдвэрлэгдэж байгаа бөгөөд 500 грамм зайрмаг 19.99 фунтын үнэтэй байна.
Үйлдвэрлэгчид нь хөхний сүү өөрийн ашиг тус, амтаараа зөвхөн балчир хүүхдүүдийг баярлуулах чадвартай биш гэдгийг нотлон харуулахыг хүсчээ. Цөцгийтэй шинэ төрлийн зайрмаг томчуудад ч гэсэн таалагдана гэдэгт тэд итгэлтэй байгаа гэнэ. Энэ амттаныг идсэн хүмүүс жинхэнэ байгалийн гаралтай, элдэв тэжээллэг бодисуудаар баялаг бүтээгдэхүүнийг амтлах болно. Зайрмагийг хяналтын маш чанд шалгуурыг давсан донор эхийн сүүгээр үйлдвэрлэж байгаа аж.
Baby Gaga брэнд зах зээл дээр 2011 онд гарсан бөгөөд өдгөө түүний “royal” гэсэн угтвар үг бүхий шинэчлэгдсэн хувилбарыг ханхүү Уильям, Кэмбрижийн гүнгийн авхай нарын хоёр дахь хүүг мэндлэхэд зориулж гаргажээ.
Эх сурвалж www.wikimon.mn
