 |
Олон улсын шилдэг эрэгтэй загвар өмсөгч шалгаруулах “Manhunt international 2012” тэмцээнд эх орноо төлөөлөн оролцож, шилдгээр шалгарч байсан Б.Билгүйтэй өдгөө Тайландад ажиллаж амьдарч байгаа юм. Тэрбээр “Мерседес Бенз”-ийн загварын шоунд оролцож, “Shiseido”, “Zalora” брэндүүдийн модель болсон бол “FAME MANAGEMENT ASIA” номонд хүртэл бичигдээд амжсан тухай бид мэдээлсэн. Тэгвэл загвар өмсөгч залуу хамгийн сүүлд Тайландад нэлээд алдартай Nest Nisachol гэх дуучны “Намайг зүгээр л орхи, би чамд хайргүй” хэмээх шинэхэн дууны клипэнд тогложээ. Дуучны хувьд хоёр жил завсарласны эцэст уран бүтээлдээ эргэн орсон бөгөөд ийнхүү шинэхэн дууных нь клипэнд монгол залуу тоглосон байна. Ийнхүү Тайландад ажиллаж амьдарч байгаа загвар өмсөгч Б.Билгүйтэй энэ жил тун ч завгүй байгаа гэнэ шүү.
С.НАРАН
 |
 |
 |
