Хөдөлмөрийн аюулгүй байдал, хөдөлмөрийн эрүүл мэндийн тухай хаа сайгүй ярьж, энэ талд анхаарал хандуулах болсон өнөө цагт Хөдөлмөрийн яамны харъяа агентлаг газрууд олон талт ажлыг зохион байгуулж байгаа нь сайшаалтай хэрэг.

      Тэгвэл өнөөдөр Хөдөлмөрийн эрүүл мэнд судлалын төв, Хөдөлмөр эрхлэлтийн үйлчилгээ, судалгаа мэдээллийн үндэсний төвүүд хамтран ажиллах санамж бичигт гарын үсэг зурсан нь нүдээ олсон зүйл болов. Монгол Улсын хэмжээнд хөдөлмөр эрхлэлт, хөдөлмөрийн харилцаа болон мэргэжлийн боловсрол сургалтын чиглэлийн төрийн үйлчилгээг иргэн, аж ахуйн нэгж байгууллагад чанартай, хүртээмжтэй хүргэх, арга зүйн туслалцаа үзүүлэх зорилгын дор үйл ажиллагаа явуулж байгаа юм.

       Хамгийн гол нь тус санамж бичигт талууд сайн дурын үндсэн дээр бие биеийнхээ эрх ашгийг харилцан хүндэтгэх бөгөөд хөдөлмөрийн аюулгүй байдал эрүүл ахуйн эрх зүйн зохицуулалтыг сайжруулах, хөгжүүлэх чиглэлд үр дүнтэй бөгөөд бодитой үйл ажиллагааг олон талд хэрэгжүүлэхийг чухалчилжээ.

       Тиймээс Хөдөлмөрийн сайдын тушаалаар Монгол Улсаас гадаад ажиллах хүчний болон гадаадаас Монгол Улсад ажиллах гадаад хүчний  эрүүл мэнд, аюулгүй ажиллагааны тухайд тусгайлан гаргасан журмын дагуу дагаж мөрдөхөөр шийдвэрлэсэн байна.

        Энэхүү хамтран ажиллах үйл ажиллагаанд Хөдөлмөрийн эрүүл мэнд судлалын төвийн дарга Д.Очирбат, Хөдөлмөр эрхлэлтийн үйлчилгээ, судалгаа мэдээллийн үндэсний төвийн дарга Г.Билигсайхан нар санамж бичигт гарын үсэг зурсан юм. Харин тус үйл ажиллагаанд Хөдөлмөрийн эрүүл мэнд судлалын төвийн  Төсөл хөтөлбөр , сургалт хамтын ажиллагааны газрын дарга М.Даваабат, Стратеги бодлого төллөвлөлт,  хөгжлийн газрын дарга Б.Ууган-эрдэнэ,
Стратеги бодлого төллөвлөлт,  хөгжлийн хэлтсийн дарга Х.Бат-Ирээдүй болон  Хөдөлмөр эрхлэлтийн үйлчилгээ, судалгаа мэдээллийн үндэсний төвийн Ажиллах хүчний шилжих хөдөлгөөний газрын дарга  Ө.Лувсанренчин, Тамгын газрын дарга  У.Нямсүрэн  нар оролцлоо.

Б.Энхцэцэг