Н.Алтанхуягийн Засгийн газрыг хамгийн их шүүмжлэгчдийн нэг нь УИХ-ын дэд дарга Л.Цог байлаа. Тэрбээр МАХН-ыг МАН-аас өрх тусгаарлахад хүчин зүтгэж явсан нэгэн бөгөөд МАХН-ынхаа нэр дээр Эрдэнэтээс УИХ-д сонгогдсон юм. Цагтаа Хууль зүйн яамыг тоглойлж явсан түүний хувьд Н.Алтанхуягийн авлигын сэдэлтэй  элдэв хор найруулга, шоу бизнес ер таалагдаагүй гэдэг. Тиймээс огцруулах саналтай байв.  МАН-ынхан ч мөн Н.Алтанхуягийг огцруулахаар гарын үсэг цуглуулсан бөгөөд түүн дээр нь мань хүн мутраа зурж үлдээснийхээ төлөө МАХН-ын дарга Н.Энхбаяртаа зануулахад хүрчээ. Түүнчлэн  Л.Цог бас Ч.Сайханбилэгийн Засгийн газар МАН-тай хамтрахад дургүйцлээ илэрхийлж амжсан байна. Түүнийг харин МАХН-ынх нь элэг жирийн гишүүд хэмээн өөрсдийгөө нэрлэсэн хэсэг нөхөд нь “Энэ Л.Цогийг одоо намаас хөөх хэрэгтэй” хэмээн мэдэгдэж эхэлжээ. Л.Цог мөчөөгөө өгсөнгүй. Тэдний өмнө хатуу байр суурьтай, “босоо бөх” хэвээр үлдэхийг хүсчээ. Л.Цог угийн гүргэр эр ч гэсэн  ийнхүү улс төрийн тулаанд мордохдоо “МАХН бол долоогчдын нам” гэж хэлснийхээ төлөө харин бүр ч их дарамт шахалтанд өртөх бололтой.

Б.Баяр