Алтны экспорт 14 хувиар буурсан бөгөөд олон улсын зах зээлд алтны ханш сүүлийн дөрвөн жилийнхээ доод түвшинд хүрээд буй.
Харин ханш нь түүхэн доод цэгтээ хүрээд байгаа нүүрсний хувьд 21.4 тэрбум тонны нөөцтэй байгаа бөгөөд компаниуд он гарсаар экспортоо нэмэгдүүлж байгаа ч орлогынх нь хэмжээ энэ оны эхний есөн сард 150 сая орчим ам.доллараар буурчээ.
Тэгвэл алтны дэлхийн зах зээл дээрх үнэ 2014 оны аравдугаар сарын 31-ний байдлаар унц тутамд 1,172.9-д хүрснээр өнгөрсөн оны мөн үеэс 11.3 хувиар, өмнөх сараас 2.9 хувиар тус тус буурсан байна.
А зэрэглэлийн цэвэршүүлсэн зэс болон төмрийн хүдрийн үнэ 2014 оны аравдугаар сарын 31-ний байдлаар 6,761.5, 79.0 ам.долларт хүрч өнгөрсөн сарын мөн үеэс зэс 0.6 хувиар, төмрийн хүдэр 1.3 хувиар өссөн бол өмнөх жилийн мөн үеэс зэс 6.6 хувиар, төмрийн хүдэр 40.1 хувиар тус тус буурсан байна.
Эх сурвалж ord.mn
