АН-ын нөлөө бүхий фракцуудын нэг нь “Шонхор” фракц болоод байгаа. Тус фракц  нь УИХ-ын дарга З.Энхболд нарын санаачлагаар анх байгуулагдсан  Ардчилсан хүчний холбоонд суурилдаг юм. З.Энхболд холбооныхоо ерөнхийлөгчөөр ажиллаж байгаад саяхан  АН-ын намын даргаар сонгогдсон. Мөн “Шонхор” фракцыг  удирдаж байлаа. Энэхүү фракц нь цэвэр  улс төрийн үйл ажиллагаа явуулдаг.

Өнгөрсөн бямба гарагт Ардчилсан хүчний холбоо хуралдаж тэргүүнээрээ С.Эрдэнийг сонгосон. Тэгвэл одоо “Шонхор” фракцыг хэн толгойлох вэ гэсэн асуудал хүлээгдэж байна. Фракцын тэргүүнийг тодруулах марафон эхлээд удаагүй байгаа аж. Тус фракцын тэргүүний төлөөх марафонд  Уул уурхайн сайд асан, УИХ-ын гишүүн  Д.Ганхуяг, УИХ-ын гишүүн Г.Баярсайхан нар оржээ. Ойрын өдрүүдэд энэ хоёр хүний аль нэг нь фракцыг толгойлно. Эх сурвалжуудын хэлж буйгаар Д.Ганхуяг гишүүн илүү өндөр магадлалтай гэж байна.  Тэрбээр, аливаа асуудалд нухацтай ханддаг япон соёлд боловсорсон нэгэн тул нам дотороо ч нэр хүнд сайтай хэвээр яваа ажээ.

Б.Баяр

Tumen.mn