“Сэрүүн салхи сэвшин үлээж Сэлгүүцэхээс өөр ажилгүй надад сэтгэл сэргэм юутай таатай Холхин тэнүүчлэх ажилтай надад Хорвоогийн өдрүүд юутай урт вэ !!! хэмээх шүлгийг амны уншлага болгосон Сиа Бао хэмээх цоглог, сэргэлэн залуугийн талаарх кино одоогоос 10 гаруй жилийн өмнө гарч байсан билээ. Сэтгэлд хоногшсон “Бугын тэмдэгт тулга” буюу “Дэлхийг донсолгогч бяцхан эрдэнэ” олон ангит уран сайхны кино 3-р сарын 30-ны өдрөөс эхлэн зөвхөн ТВ-8 телевизээр албан ёсны эрхтэйгээр үдэш бүрийн 21:00 цагаас гарч эхлэхээр болсон байна.
Тус бүтээл нь Монголд гарсан даруйдаа үзэгчдийг байлдан дагуулж байсан бүтээл бөгөөд авдарны ёроолд олон жил дарсан чихэр шиг үзэгч та бүхэнд таалагдна гэдэгт итгэлтэй байна. Эргэн дурсахад бүх зүйл сайхан байдаг шиг энэ кино ч мөн адил олон сайхан дурсамжыг тань сэргээнэ гэдэгт найдаж байна гэдгийг ТВ-8 телевизийн хамт олон хэлж байсан юм.
Эх сурвалж: www.dorgio.mn
