УИХ-ын гишүүн Н.Учрал Ерөнхий боловсролын сургуулиудын төгсөх ангийн сурагчдад “Дижитал студент” интертайнментээ лекцээ толилуулсан. Энэ лекцийг тасалбарын үнэ нь мөнгө биш ном байсан юм. Ерөнхий боловсролын сургуулийн сурагчид “Дижитал студент” лекцэнд ирэхдээ танин мэдэхүй болон гадаад хэл, уран зохиол зэрэг төрөл бүрийн 2 ном хандивласан.
Улаанбаатар паласт болсон тус лекцэнд 2500 сурагч ирсэн бөгөөд нийтдээ 5000 ном цугласныг насанд хүрээгүйчүүдийн хорих ангид хүмүүжиж байгаа хүүхдүүдэд хандивлалаа. Мөн өөрийн бичсэн “Супер студент” номынхоо 11 дэх хэвлэлтийг лекцэнд хүрэлцэн ирсэн сурагчдад бэлэглэсэн юм.
Хэдийгээр цахим технологи хөгжиж байгаа ч гэлээ ном бол үнэтэй оюуны бүтээл хэвээр байх болно гэдгийг тэрээр онцоллоо.
