Энэ онд нийслэл хотын хэмжээнд зам тээврийн ослоос болж амь насаа алдаж, хүнд хөнгөнөөр гэмтэж бэртэгсдийн тоо нэлээд өсчээ. Эхний есөн сарын байдлаар 122 хүн нас барж, 4193 хүн бэртэж гэмтсэн байна. Өөрөр хэлбэл, өдөрт ойролцоогоор 10-19 хүн авто машины ослоор нас баржээ. Нас баралтын оргил үе нь 7, 8 дугаар сар бөгөөд энэ саруудад өдөрт дээд тал нь 18-19 хүн нас барсан байна. Нийт нас барагсдын 96 хувь нь эмнэлэгийн анхан шатны тусламж авч чадалгүй хорвоог орхин одсон байх юм. Зам тээврийн ослын шалтгаан олон янз ч гэсэн хамгийн нийтлэг шалтгаан нь жолооч нарын анхаарал, болгоомжгүй үйлдэлтэй холбоотой аж. Мөн автомашины тоо жил бүр өссөөр замын ачаалал даахаа больсон нь ч үхэлд нөлөөлж буй. Энэ зовлон дээр хариуцлагагүй, хайхрамжгүй, сахилга батгүй жолооч нар нэмэгдэхээрээ ийнхүү дайн дажин бүхий бүс нутгийг санагдуулам сүйтгэлд хүргэдэг юм байна.
Б.Баяр
tumen.mn
