Жижиг дунд үйлдвэрлэл эрхлэгчид энэ сарын 14-нд төрийн ордонд чуулган зохион байгуулахаар болжээ. УИХ-ын Жижиг, дунд үйлдвэрлэлийн хөгжлийн дэд хороо, Аж үйлдвэрийн яамнаас хамтран хийх энэ удаагийн чуулганд аймаг, нийслэл, дүүргийн 400 орчим үйлдвэрлэл эрхлэгчид оролцох юм байна. Мөн дээр нь 200 орчим төрийн болон төрийн бус байгууллагын төлөөлөл оролцоно. Энэхүү чуулганы үеэр үйлдвэрлэлийн талаарх төрийн бодлоготой холбоотой асуудлаар санаа бодлыг сонсож, тулгамдаж буй асуудлаа хэрхэн шийдэх талаар ярилцах аж. Түүнчлэн жижиг дунд үйлдвэрийн тухай хуулийн шинэчилсэн найруулгын төсөлд саналыг тусгахаар төлөвлөжээ.
Б.Баяр
Эх сурвалж: Tumen.mn
