“Глоб кредит” хадгаламж зээлийн хоршооны үүсгэн байгуулагч Ж.Мэндбаяр 10 жил чанга дэглэмтэй хорих ялаар шийтгүүлэн ялаа эдэлж суллагдсан билээ. Ж.Мэндбаярыг 2006 оны 4 дүгээр сарын 14-15-ныг шилжих шөнө шүүхийн шийдвэргүйгээр хууль зөрчин баривчилсан байдаг. Түүнийг баривчлагдсны дараа ХЗХ-ны эд хөрөнгийг үнэгүйдүүлж, улмаар олон хохирогч бий болсон. Ж.Мэндбаяр шоронгоос суллагдсан даруйдаа хэвлэлийн бага хурал зарлаж өөрийн өмч хөрөнгийг хууль бусаар шамшигдуулсан этгээдүүдээс өмч хөрөнгөө нэхэж эхэлснээр асуудлууд үүсч эхэлж байгаа бололтой. Тодруулбал Ж.Мэндбаярын хөрөнгөөс завшилцсан нэг эрхэм Эрүүгийн цагдаагийн газар гомдол гаргасан гэнэ. Тэрээр “”Глоб”-ын Ж.Мэндбаяр олон залуустай ирж манай нөхөрийг сүрдүүлсэн. Ингэхдээ байраа суллаж өгөхийг шаардсан” гэх үндэслэлээр цагдаагийн байгууллагад гомдол гаргасан гэнэ. Харин энэ тухай Ж.Мэндбаяр тун удахгүй албан ёсоор тайлбар өгөх юм байна.
Эх сурвалж: Шуурхай.мн
