Сансрын аялал жуулчлалыг хөгжүүлж, энгийн иргэнийг задгай сансарт зугаалах боломжийг олгохоор ажиллаж байгаа СпэйсИкс компанийнхан бас нэгэн төслөө танилцууллаа. Энэхүү үйлчилгээ нь Улаан нүдэн гараг дээр үүсэх ирээдүйн амьдралын оршин суугчдад зориулсан байх юм байна. Тэд өмнө нь Ангараг гарагруу хүн явуулахаар бэлтгэж гэх зар тарааж байсан бол цаашдаа тэнд очсон хүмүүст эх дэлхийгээс шуудан илгээж болдог болох боломжийг нээж өгөх гэж байгаа юм. Эх дэлхий дэх ар гэрийнхэн нь Ангарагт байгаа хайртай хүмүүстээ дуртай зүйлээ явуулж болох бөгөөд нэг удаагийн тээшийн зардал нь 65 сая ам.долларын өртөгтэй байх гэнэ.
СпэйсИкс компанийн захирал Элон Маскийн мэдээлж буйгаар 2018 онд анхны пуужингаа Ангарагруу туршилтаар хөөргөх үед илгээмжийн үйлчилгээний туршилтыг ч давхар хийхээр төлөвлөсөн байна. Хэрэв туршилттай болвол 2020 оны дунд үеэс гараг хоорондын шуудангийн үйлчилгээг нээж, үйлчлүүлэгчдэдээ хүрч эхэлнэ. Шуудангийн үйлчилгээнд ашиглахаар бүтээж буй Фалкон9 сансрын пуужин нь 5.5 тонн ачааг тээвэрлэх хүчин чадалтай байх юм.
С.Дамдин
