“Исламын улс” бүлэглэл Японы хоёр иргэнийг барьцаалсан нь дэлхий нийтийг цочроосон юм. Барьцаалагдсан хоёр иргэний нэг нь сэтгүүлч Кэнзи Гото байлаа. Японы Ерөнхий сайд Шинзо Абэ хоёр иргэнээ аврах бололцоотой бүхнийг хийнэ гэж байв. Гэвч тэр амжсангүй. “Исламын улс” бүлэглэлийнхэн долоо хоногийн өмнө барьцаандаа авсан Японы бизнесмен залууг хороосноо зарласан бол өнгөрөгч баямба гарагт сэтгүүлч Кэнзи Готогийн амийг хөнөөснөө мэдэгдэв. Цаазлах ялыг гүйцэтгэсэн алуурчны “Бидний гарт орж ирсэн Япон хүн бүрийг алах болно” гэсэн үгтэй бичлэг одоо дэлхий дахинаа тарж байна. “Исламын улс” бүлэглэлтэй шууд холбогдох боломж Ерөнхий сайд Шинзо Абэ болон түүний багийнханд олдоогүй ажээ.
Б.Баяр
Эх сурвалж: Tumen.mn
