Урин дулааны цаг эхэлсэнтэй холбогдуулж барилгын ажлууд эхэлж байна. Ийм үед хөдөлмөрийн аюулгүй байдлын сахиж ажлаагүйгээс үүдэлтэй бэртэж , гэмтэх тохиолдол ихэсдэг. Өчигдөрхөн л гэхэд ГССҮТ-д гэмтсэн хүн ирж эмчлүүлж байна гэсэн мэдээлэл цагдаагийн байгууллагад хэд хэд иржээ.

Тухайлбал, БГД-ийн 13-р хороо  "ГССҮТ-д гэмтсэн хүн ирж хэвтлээ" гэсэн мэдээллийг 05-р сарын 04-нд авч шалгахад: "...." ХХК-ний талбайн инженер СХД-2 хороонд суух 30 настай эрэгтэй Б "Өргөө" кино театрын дээвэр дээр хар цаас нааж байгаад шатнаас унаж зүүн хөлийн шагай хугарч гэмтэн тус эмнэлэгт эмчлүүлж байгаа хэргийг БГД-ийн цагдаагийн хоёрдугаар хэлтэс шалгаж байна.

Мөн ХУД-ийн 11-р хороо "ГССҮТ-д гэмтсэн хүн ирж хэвтлээ" гэсэн мэдээллийг 05-р сарын 04-нд  шалгахад, ХУД-ийн 16-р  хороонд суух  49 настай эрэгтэй Г  05-р сарын 03-ны 11:30 цагийн үед "Маршал Таун" хотхоны "Лакшри" төвийн 1-р давхарт салхивчны хоолой буулгаж байгаад төмөр шатан дээрээс унаж гэмтэн тус эмнэлэгт эмчлүүлж байгаа хэргийг ХУДЦХ-1 шалгаж байна.

СХД-ийн 1-р хороо  "ГССҮТ-д гэмтсэн хүн ирж хэвтлээ" гэсэн мэдээллийг  05-р сарын 04-нд авч шалгахад, Толгойтын ... тоотод суух иргэн 38 настай эмэгтэй Б нь гэртээ боорцог хайрч байгаад тогоотой тосондоо унан түлэгдэж гэмтэн тус эмнэлэгт эмчлүүлж байгааг СХДЦХ-1 шалгаж байна.