Баян-Өлгий аймагт хэсэг иргэд мөнгөн усанд хорджээ. Тус аймгийн Бугат сумын нэг гэр бүлийн долоо найман хүн хордсон байна. Мөн хэд хэдэн айлын хүүхэд, залуус ч хордлогод өрджээ. Тэдгээрээс нэг гэр бүлийн хоёр хүнийх нь биеийн байдал тааруухан байгаа аж. Аймгийн Онцгой байдлынхан яаралтай арга хэмжээ авч эхлээд байна. Одоогоор хордогсдын гурвыг нь нийслэлд авчирсан бөгөөд Эрүүл мэнд, спортын дэд сайдаар ахлуулсан ажлын хэсгийнхэн Баян-Өлгийд хүрэлцэн очжээ. Мөнгөн усны хордлого хаанаас гарав гээд тагнуул, цагдаагийнхан нь хайгаад үзтэл тус аймгийн “оточ” Х.Аблайхан гэгч нь хүмүүст мөнгөн ус ашиглан эмчилгээ хийж байсан байх юм. Х.Аблайхан нь сувилагч мэргэжилтэй юм байна. Тэрбээр зөвшөөрөлгүйгээр, хаанаас оруулж ирсэн одоогоор үл мэдэгдэх химийн бодисуудыг ч мөн эмчилгээнд ашиглаж байжээ. Тиймээс түүнд эрүүгийн хэрэг үүсгэн шалгаж эхлээд байна.
Б.Баяр
Эх сурвалж: Tumen.mn
