Тавантолгойн ордоос метан хийн нөөц илрүүлсэн гадны томоохон хэвлэлүүд онцолжээ.
Урьдчилсан байдлаар Тавантолгойн ордод 51 тэрбум шоо метр хий байгаага тогтоосон бөгөөд энэ нь ойролцоогоор 40 сая тонн байгалийн хийтэй тэнцэх юм. Манай улсын хийн жилийн хэрэглээ 28 мянган тонн байдаг ба Тавантолгойн одоогийн тогтоогдсон хийн нөөцөөр бол 1700 жилийн турш дотоодын хэрэглээнд хүрэлцэх хэмжээтэй аж.
Одоогийн байдлаар Өмнөд Солонгосын байгалийн хийн компани уг хийн өрөмдлөгийг хариуцан, судлагааны ажлыг үргэлжлүүлж байна. Мэдээж энэ асуудал Олон улсын хөрөнгө оруулагчдын анхаарлыг татаж, манай улсад эдийн засгийн таатай нөхцлийг авчрах боломжтой гэдгийг гадныхан онцолж буй.
Дашрамд сануулахад, Метан хий нь ажиллаж байгаа болон хаагдсан ил, далд уурхайгаас ялгарахын зэрэгцээ нүүрс боловсруулах, хадгалах, тээвэрлэх зэрэг олборлолтын дараахь үйл ажиллагааны үед ч ялгардаг шатамхай хий бөгөөд бүтцийн хувьд байгалийн хийгээс ялгарахгүй хэмээн үздэг.
Харин нөгөө талд метан-байгалийн хийг дэлхийн дулаарлын гол шалтгаан болж буй шалтгаанаар хэрэглээний түвшинг дэлхий нийтээр бууруулах бодлого барьж байгаа. Ямартай ч уг мэдээлэл албан ёсоор батлагдвал Монгол Улсад эдийн засгийн бас нэгэн таатай орчин үүсэж, шаардлагатай эрхзүйн зохицуулалтыг хийх асуудал хөндөгдөх юм. Бид энэ талаар эргэн мэдээлэх болно.
Ж.Мядагбадам
