Өчигдөр Ардчилсан намын Гүйцэтгэх зөвлөл хуралдаж, УИХ-ын гишүүн Б.Гарамгайбаатарыг УИХ дахь Ардчилсан намын бүлгийн даргад нэр дэвшүүлснийг дэмжсэн байна. Мөн бүлэг дээрээ хэлэлцээд түүнийг дэмжин баталжээ. Ингээд тус бүлгийг УИХ-ын гишүүн Б.Гарамгайбаатар толгойлох боллоо. Түүний орлогчоор УИХ-ын гишүүн Ш.Түвдэндорж, С.Одонтуяа нарыг сонгов. Б.Гарамгайбаатар нь УИХ-ын Эдийн засгийн байнгын хорооны даргаар ажиллаж байсан юм. Тэрбээр Хэнтий аймгаас УИХ-д сонгогдсон бөгөөд урьд нь зам барилгын Мон-Роуд компанийг үүсгэн байгуулж, удирдаж байжээ.
Б.Баяр
Tumen.mn
