Эрх баригч МАН-д шинэ жигүүр мэндэлсэн байна. Ямар хүмүүс энэ жигүүрийг үүсгэн байгуулсан нь одоогоор нууц байгаа ч МАН-ын жирийн гишүүдийн анхаарлыг татах болжээ. Энэ намд өмнө нь олон жигүүр ургаж байв. Ө.Энхтүвшин, Т.Гантулга гээд олон хүн нам дотроо жигүүр байгуулж байсан. Тэр талаас нь харвал гайхаж цочоод байх зүйл биш. Харин энэ удаагийн жигүүр залуусын өндөр дэмжлэгтэй байгаа бөгөөд "МАН-ын шударга гишүүд, дэмжигчдийн холбоо" гэсэн нэрээр гарч ирэх сурагтай. Төрийн албаны хууль бус томилгоо, эдийн засгийн уналт, бараа бүтээгдэхүүний үнийн өсөлт, шатахууны хомсдол зэрэгт жигүүрийнхэн шүүмжлэлтэй хандаж байгаа бөгөөд намынхаа удирдлагууд, Засгийн газрын холбогдох албан тушаалтнуудад хариуцлага тооцож, шударга ёсыг бэхжүүлэх тэмцэл хийхээр зэхэж байгаа ажээ.
