Жүдо болон дүрэмгүй тулааны аварга бүсгүй Ронда Рөүзи Sports Illustrated сэтгүүлд зориулж авахуулсан зургууддаа өөрийн эмэгтэйлэг байдлыг харуулжээ. Тус сэтгүүлийнхэн Рөүзиг нөгөө талаас нь харуулахыг зорив. Гэрэл зургууд тун дажгүй болсон аж.
Рөүзи 1987 онд Калифорни мужийн Санта-Моникад мэндэлжээ. Түүний эцэг амиа хорлосон юм. Харин ээж Анна-Мария Рөүзи де Марс жүдогоор хичээллэн амжилт олж, 1984 онд Америкийн анхны жүдогийн дэлхийн аварга эмэгтэй болжээ.
Ронда эхлээд жүдогоор хичээллэсэн гэнэ. 2003 онд тэрбээр жүдогийн өсвөрийн дэлхийн аварга, 2007 онд Дэлхийн аварга шалгаруулах тэмцээнээс мөнгөн медаль, 2008 онд Бээжин хотод зохиогдсон Олимпийн тоглолтоос хүрэл медаль хүртжээ.
2011 онд Ронда дүрэмгүй тулааны урлагт хүч сорьж эхэлсэн бөгөөд нэг жилийн дараа тулааны UFC холбоотой гэрээ байгуулсан анхны эмэгтэй тамирчин болсон юм. Тэрбээр өдгөө хасах 61 килограммын жинд UFC-гийн аварга тамирчин болжээ.
Эх сурвалж www.wikimon.mn
