АН-ын УТЗ, хөрөнгө оруулалтын хуулийн төслийн талаар мэдээлэл өгч байна.

Намын хэрэг эрхлэх газрын дарга Б.Ган-Очир "Гадны хөрөнгө оруулалтын тухай хуулийг яг одоо ярьж хэлэлцэж байна.

Гадны хөрөнгө оруулагчдыг эсэргүүцэх гэж байна гэж яриад байгаа. Газрын тухай хууль байгаа. Хөрөнгө оруулалтын хуулийг яагаад байн байн чихээд байгаад гол хардлага төрөөд байна. Гишүүн сайд Ч.Хүрэлбаатарын бариад байгаа хууль Монгол Улсын язгуур эрхийг зөрчиж байгаа ноцтой хууль юм шүү.

УТЗ-ийн гишүүн, хуульч өмгөөлөгч Ц.Одонтунгалаг "Хөрөнгө оруулалтын тухай хууль биш гадныхан оршин суухаар болсон хууль болсныг эсэргүүцэж байна. Энэ удаагийн хуулийн зүйл заалт дордсон байна. Улсын минь бүрэн бүтэн байдлыг ноцтойгоор зөрчиж байна.

Гадны хөрөнгө оруулагч гэдэг нь тодорхой байх ёстой. Гэтэл энэ хуулиар бол Монгол Улсад компани байгуулсан хэн ч хөрөнгө оруулагч болно гэж басамжилсан байна. Монголын газар нутгийг хамгаалах ёстой. Ч.Хүрэлбаатар гэдэг хүн энэ хуулийг оруулж ирэхдээ удаа дараа Хятадуудтай уулзаж байсан юм шүү. Ноцтой байдал үүсэхийг үгүйсгэхгүй. Увсын ард түмний өмнөөс Хүрэлбаатарт харамсаж байна. Тиймээс дээрх хуулиа татаж аваачээ. Олон зүйл заалтаар дордуулсан хууль байна шүү. Гадныхан ирж эзэн суугаад Монголчуудын бизнесийн орчныг дордуулахаар энэ хуулиа нэн даруй татаж аваачээ" гэв.