Монголын ногоон намын дарга О.Бум-Ялагч сүүлийн өдрүүдэд хоёр янзын мэдэгдэл хийлээ. Тус нам “Саусгоби сэндс”-ийн гүйцэтгэх захирал асан Ж.Каплад Ерөнхийлөгч Ц.Элбэгдорж уучлалт үзүүлэн шоронгоос суллаж явуулсныг буруушааж байна. Тиймээс Ерөнхийлөгч Ц.Элбэгдоржийг огцрох ёстой гэсэн бол саяхан эдийн засаг хүндэрсэн, малчид зээлийн өрөнд хүлэгдсэн энэ үед дорвитой арга хэмжээ авч хэрэгжүүлэхгүй байгаа УИХ-ыг тарахыг шаардав. УИХ, Засгийн газрын эдийн засгийг эрчимжүүлэх бодлого алдаатай, худалдааны механизм нь буруу яваад байна гэж шүүмжилж буй ажээ.
Б.Баяр
Эх сурвалж: Tumen.mn
