Нийслэлийн ИТХ-ын Тэргүүлэгчид хуралдаж, 74-р сургууль болон Сонгинохайрхан амралт цогцолборын зоогийн газрын барилгын хэсэг шатсан учраас нийслэлийн өмчийн бүртгэлээс хаслаа. Түүнчлэн ээлжит V хуралдааныг энэ сарын 25-ны 11.00 цагт товлолоо.
Хурлаар Нийслэлийн өмчөөс төрийн өмчид эд хөрөнгө шилжүүлэх, Нийслэлийн өмчийн бүртгэлээс барилга байгууламж хасах тухай зэрэг асуудлыг хэлэлцлээ. Нийслэлийн Онцгой байдлын газар нь өнгөрсөн онд БНБУ-ын буцалтгүй тусламжаар техникийн парк шинэчлэл хийсэн юм. Тиймээс хуучин тээврийн хэрэгсэл болон техник хэрэгсэл бүхий 732 сая төгрөгийн өмчийг төрийн өмчид буюу есөн дүүрэг, орон нутгийн өмчид шилжүүлсэн гэж Нийслэлийн ИТХ-ын ХМОНХТ-өөс мэдээллээ.
